તને હું નામ દઉં છું...

મુજ પ્રથમ બાળ-સ્મૃતિમાં જે સમાયી, નૈર્ઋત્ય-થી આવી,

આશ-ઉમંગની ઋત એ, વૃષ્ટિ તદર્થે હું મલ્હાર ગાઉં છું.

હોય જેના સાથી અનેક, પણ ન તેને સમકક્ષ કોય,

અનેરી એવી લાખોમાં એક - અનન્યા હું સાફ જોઉં છું.

સૂર્ય હોય ભલે શિરે તપતો, પ્રેમીહૈયાને તોય રીઝવતો,

હરિત રંગી, મધુર રાગ ધાની, તારો હું રિયાઝ કરું છું.

ક્ષણ-ક્ષણ બની જે યાદ, ઝણઝાણાવે દિલના તાર,

પુનિત, પ્રણય સભર એ પલ, તને હું પ્યાર આંકું છું.

હેમંત-શિશિરની ટાઢી સાંજે, રાગ જે સ્વરને દે ગમક,

કૃષ્ણ-રંગે રંગીલી ગોપી - અભીરી સંગે હું રાસ રમું છું.

સ્વરથી સંપૂર્ણ, ઉભય વક્ર રાગ જે રંજક છતાં રડાવે,

ધીર, સહિષ્ણુ, ત્રિકાળજ્ઞ, સાહના તારો હું સંગાથ ચાહું છું.

અંતરની ઊર્મિ-ટૂક અડધે ઉમેરી, ઝરણ-તરુણીને -

નદી-નાર નીખારતી, અંતરા તને હું શરૂઆત ગણું છું.

ગહન કવિ મન-સાગર ટટોળી, હૃદય-મોતી ખોળી,

શબ્દ-માળા ગૂંથતી લિરિક, તને હું સત્-ભાવ રચું છું.

વસે જે ગોળ ઉત્તરે બની નક્ષત્ર શિરોમણી અભિજિત,

પુરાતન તાર-વાદ્ય, લાયરા તને હું સિતાર જાણું છું.

હવા ક્યાંક કહે, કોક સિંહણી, મધુર ગવાયું જે એકલ કંઠે,

વિસ્તૃત ગીત એ આરિયા, તને હું સહ-ધ્યાન સુણું છું.

ક્રમચયે-સંચયે સર્જે સંગીત, વ્યંજને વળગી વણે વાણી,

મૂળ આરવ-શ્રવણ તત્વ - સ્વરા, હું હર શ્વાસ ભરું છું.

પ્રાચીન પ્રભાતિયા, જેની ઓળખ સચવાઈ મૈહર ઘરાને,

ભૈરવ-તોડીમાં લીન રાગ, અહીરી તને હું સુપ્રભાત કહું છું.

શુદ્ધથી વધી શુદ્ધતમનો પરિતોષ કરાવે જેનો પરિચય,

રાજ્ઞી અરાયના, તારા પર બની હું સ્નેહ-અપાર વર્ષું છું.

વિના પૂર્વજ્ઞાન કરે તાલ મિશ્રણનો ચક્રવ્યુહ જે પ્રસ્તુત,  

ઝૂલણહાર સંગીત શૈલી - જાઝ, હું ડોલાવી માથ માણું છું.

દિલે ભરે મીઠાશ જેના બોલનો ટહુકાર, શ્વાસનો રણકાર

અને હૃદયનો ધબકાર, તે પ્રેયસી પર હું પ્રાણ વારું છું.

ઈચ્છા-આકાંક્ષા પ્રબળ, જાણે ઈશાન-માં પ્રચંડ ગિર અચળ,

આર્ય જે અગ્રેજ-મન એ, તૃષા છિપાવા હું પ્રયાસ કરું છું.

અહેસાસ જે નાચ, ગાન ને વાદ્યના સુમેળે કરે તલ્લીન,

પધ્ધતિસરની પુનરાવર્તી પ્રણાલી, લય-માં હું તાલ પૂરું છું.

હાલરડાં-જોડકણાં થી પ્રેમગીત-લગ્નગીત શીખવવા આતુર,

સ્વપ્નો સજાવતો 'પૃથક' લખે છે - તને હું નામ દઉં છું...

નૈર્ઋત્ય = South-West Direction, for Indians - Direction of Hope (આશા ની દિશા), તદર્થે = For You, ગમક = Singing Style with Vibrations, ઉભય વક્ર = Raga in which, Notes in Both Ascent and Decent follow a Zig-Zag Pattern, રંજક = Entertaining, Pleasing, સહિષ્ણુ = Enduring, ટૂક = Stanza, લિરિક(Lyric) = ઊર્મિકાવ્ય, વ્યંજન = Consonant, સ્વર = The Seven Notes of Indian Classical Music, Vowels(Script), ક્રમચય-સંચય = Permutation-Combination, આરવ = Sound, Vocal, મૈહર = A city in Madhya Pradesh, A Hindustani Classical Music Clan which produced Gems like Ustad Ali Akbar Khan, Pandit Ravi Shankar etc., ભૈરવ,તોડી = Names of Raga, સુપ્રભાત = Blossomed Morning, પરિતોષ = Complete Satisfaction, રાજ્ઞી = Queen, અરાયના = Pure(Sanskrit), Queen(Latin), સ્નેહ-અપાર = SnehA-Par(th), ઝૂલણહાર = Swinging, પ્રણાલી = Tradition, Practice, જોડકણાં = Rhymes.