એક અચળ મનની વિહ્વળતા

મન આજ મારુ વિહ્વળ છે

સ્પષ્ટતાથી કઈ વિચારતું નથી 

જે સૂઝે છે એ સમજતું નથી 

જે સમજે છે એ માનતું નથી 

જે દેખાય છે એ દેખતું નથી 

જ્યાં જવું છે ત્યાં જતું નથી

જે દિલમાં છે એ કહેતું નથી 

જે કરવું છે એ કરતું નથી 

શું સાચું એ જાણતું નથી 

શું સાચવું એ પિછાણતું નથી 

પ્રિય એને જે, ઉત્તર-દક્ષિણ 

સાથે એ કદી મળતા નથી

મેળવવા એમને ખેંચાય છે 

પણ બન્ને સીમાડે પથરાતું નથી

એનો જીવ ઘવાય છે હર ઘડી
એ વ્યથા કોઈને સુણાવતું નથી 

ખુશી શોધવા નીકળતું નથી 

મળતી ખુશી સ્વીકારતું નથી 

કવિમન ખુદને 'પૃથક' કહું કે.. ? 

એ મુંઝવણ સુલઝાવતું નથી 

અચળ - firm, વિહ્વળતા - bewilderedness